ഇന്ന് വെള്ളിയാഴ്ച
എനിക്കും നിനക്കും
കുരിശു സമ്മാനിച്ച ദിനം
നിന്റെ മാറ് പിളര്‍ത്തി
കടന്നുപോയരാ കുന്തമുനയാല്‍
എന്റെ നെഞ്ചകം പിളര്‍ന്നു .
രാത്രിയുടെ യാമങ്ങളില്‍
വൈകിയെത്തിയ ചുംബനത്തില്‍
ചതിയുടെ ദ്രംഷടങ്ങള്‍ ഒളിഞ്ഞിരി-
പ്പുന്ണ്ട് എന്നറിഞ്ഞിട്ടും നീയവനെ
സ്നേഹത്താല്‍ ചേര്‍ത്ത് അണച്ചു
ഒരു ദുഖ വെള്ളിക്കായ്‌ ..
മൂന്ന് ആണികളാല്‍ തൂങ്ങിയാടുമ്പോഴും
വേദനയാല്‍ നിന്മനം പിടഞ്ഞതു
വരുന്ന ഉയര്‍പ്പ് ഞായറിനെകുറിച്ചോര്‍ത്തു.
ഇനിയും നിന്‍ കൈകാലുകളില്‍
ആണികള്‍ തുളച്ചു കയറും
ശിരസില്‍ മുള്‍കീരിടങ്ങള്‍ അമരും
ഇനിയും ദുഖ വെള്ളികള്‍ പിറക്കും- അന്ന്
എന്റെ ഹൃദയത്തില്‍ വീണ്ടും
കൂര്‍ത്ത വാളുകള്‍ തുളച്ചു കയറും
അറിഞ്ഞിരുന്നോ മകനെ നീയത്.
നിനകായ്‌ വീണ്ടും കുരിശുമരം
തീര്കുകയാണ് ...ഓരോ ദുഖവെള്ളിയും.
No comments:
Post a Comment