അപ്പച്ചന് ആകെ ഒരു പെങ്ങളെ ഒള്ളു. എന്നും വീട്ടില്‍ വരും , വിശേഷങ്ങള്‍ ചോദിക്കും, ആണ്മക്കള്‍ രണ്ടു പേര്‍ അമേരിക്കയില്‍ ആണ് താമസം, അമ്മായിയും പോയിടുണ്ട് കേട്ടോ കുറച്ചു നാള്‍ അമേരിക്കയില്‍ താമസിക്കാന്‍ . എന്താണാവോ ഒരു വര്ഷം കഴിഞ്ഞപ്പോ തിരികെ വന്നത്രേ. അമേരിക്കകാരുടെ ഭക്ഷണം ശേരിയല്ലന്നു . പുള്ളികാരിക്ക് ചക്ക, കിഴങ്ങ് (മരചീനി) അതൊക്കെയാ വലിയ ഇഷ്ടം. ആ നമ്മള്‍ പറഞ്ഞു വന്നത് അതല്ല. ഈ കഴിഞ്ഞ ഡേ അമ്മായിയുടെ പിറന്നാള്‍ ആയിരുന്നു. വലിയ ആഖോഷപൂര്‍വം ആങ്ങളമാരും, പെണ്മക്കളും, നാട്ടില്‍ ഉള്ള ഒരു മോനും പേരകുട്ടികളും ചേര്‍ന്ന് ആഖോഷിക്കാന്‍ തീരുമാനിച്ചു . ഓഫീസില്‍ നിന്ന് ഞാന്‍ നേരിട്ട് അങ്ങോട്ട്‌ ചെന്ന്. എല്ലാരും ഓടി നടന്നു പണി ചെയ്യുന്നു. എന്തെങ്ങിലും ഞാനും ചെയ്തില്ലെങ്ങില്‍ മോശമല്ലേ . അപ്പോഴാണ് ജെസ്സി ആന്റി സവാള അരിയാന്‍ ഏല്പിച്ചത് . കത്തി അനേഷിച്ചു നടന്ന എനിക്ക് ആ വലിയ വീട്ടില്‍ ഒരു കത്തി പോലും കിട്ടിയില്ല. എവിടെയോ കിടന്ന ഒരു തുരുമ്പ് പിടിച്ച കത്തി ജെസ്സി ആന്റി എനിക്ക് തപ്പി കൊണ്ട് വന്നു തന്നു. ഒരു കണക്കിന് ഞാന്‍ സവാളയും തക്കാളിയും എന്റെ സകല ബലവും എടുത്തു അരിഞ്ഞു. "ഇവിടെ ഉണ്ടായിരുന്ന കത്തിയൊക്കെ എന്തിയെ"? . അമേരിക്കയില്‍ നിന്ന് കൊണ്ടുവന്ന കുറെ മൂര്‍ച്ചയുള്ള കത്തി ഒരികല്‍ പോയപ്പോ ഞാന്‍ കണ്ടിരുന്നു. ഒരെന്നത്തിനു ഞാന്‍ കണ്ണും വെച്ചതാ. അത് ഇന്ന് ചോദികണമെന്നു മനസ്സില്‍ ഒരു പ്ലാനും ഇട്ട ഞാന്‍ പോയത് തന്നെ. ജെസ്സി ആന്റിയുടെ മറുപടി കേട്ടപ്പോ ഞാന്‍ ഞെട്ടി. ഒരെറ്റ കത്തി പോലും ഇവിടെ ഇപ്പൊ കിട്ടാനില്ല മോളെ . ഞാന്‍ നേരെ അമ്മായിയുടെ അടുത്ത് ചെന്ന്." അമ്മായി കത്തിയൊക്കെ എന്തിയെ..നല്ല മൂര്‍ച്ചയുള്ള കത്തിയാണല്ലോ . അവിടെ കത്തിയൊന്നും ഇല്ല " ഞാന്‍ ഒന്ന് ചെറുതായി സോപ്പിട്ടു. നേരിയ ഓര്മ കുറവ് ഉള്ള അമ്മായി പറഞ്ഞു . ..ആ വേല്കാരി പെണ്ണ് എല്ലാ കത്തിയും കൊണ്ടുപോകും . ഒരെണ്ണം പോലും ഇവിടെ വെക്കാന്‍ പറ്റില്ല. നിരാശയോടെ ഞാന്‍ വീണ്ടും അടുകളയിലേക്ക് പോയി . അങ്ങിനെ കേക്ക് മുറികേണ്ട ടൈം ആയി. പേരകുട്ടികള്‍ എല്ലാരും ഒരു നീണ്ട സമ്മാന പൊതിയുമായി അമ്മയുടെ അടുക്കല്‍ നിരന്നു നിന്നു. ഹസീന ചേച്ചി കൊണ്ട് വന്ന കത്തി കൊണ്ട് കേക്ക് മുറിച്ചു.പിന്നെ സമ്മാന പൊതികള്‍ ഓരോന്നായി അമ്മായി തുറക്കാന്‍ തുടങ്ങി. അക്ഷമയോടെ പേരകുട്ടികള്‍ നില്പായി .. മഞ്ച് , കിറ്റ്‌-കാറ്റ് ആണെന്ന ധാരണയില്‍ ആണേ എല്ലാരും അത് കൊടുത്തത് . അത് വാങ്ങാനുള്ള നില്‍പാണ്‌. അമ്മായി ഓരോ പൊതിയും തുറന്നു. എല്ലാരേയും ഞെട്ടിച്ചു കൊണ്ട് ..ഓരോനിലും ഓരോ കത്തികള്‍ . ബര്ത്ഡേ സമ്മാനമായി അമ്മായിക്ക് കിട്ടയത് 5 കത്തികള്‍ . മോക്ഷണം പോയ എല്ലാ കത്തികളും ഭദ്രമായി അമ്മായിയുടെ അലമാരയില്‍ ഇരിപുണ്ട്.അതിന്റെ കൂടെ ഈ 5 എണ്ണവും ഇനി ഉണ്ടാവും . അമ്മായിയുടെ ഒരു കത്തി പേടിയുടെ ഫലമാനെത്രേ ഈ മോക്ഷണം .
No comments:
Post a Comment