ഇടിവെട്ട് എന്ന വില്ലന്‍

പണ്ടൊക്കെ ഞങ്ങള്‍ വെള്ളയപ്പം ഉണ്ടാക്കിയിരുന്നത് കള്ള് ഒഴിചായിരുന്നു. അന്ന് ഇന്നത്തെ പോലെ ഇന്‍സ്റ്റന്റ് പോടിയൊന്നും ഇല്ല.. അന്നത്തെ ആ അപ്പത്തിനു എന്തൊരു ടേസ്റ്റ് ആണെന്നോ. അതും എല്ലാ ദിവസങ്ങളിലൊന്നും ഉണ്ടാക്കില്ല .ഈസ്റെര്‍, ക്രിസ്മസ് അതുപോലെ ഉള്ള എതെങ്ങിലുമൊക്കെ വിശേഷ അവസരങ്ങളില്‍ മാത്രമേ അപ്പം ഉണ്ടാക്കാര്‍ ഉള്ളു .  എവിടെ പോയാലും എന്റെ കൂടെ രോഷിനി  ഉണ്ടാകും. കാരണം എല്ലാ കള്ളത്തരങ്ങളും ഞങ്ങള്‍ രണ്ടാളും കൂടിയ ചെയ്യുക.  അന്നും പതിവുപോലെ കള്ള് വാങ്ങാന്‍ ഞങ്ങള്‍  ചന്തയില്‍  പോയി.. വൈകുന്നേരം സമയം ..തുലാം മാസം . കള്ള് വാങ്ങാന്‍ ചെന്നപ്പോള്‍.. കടയിലെ ചേട്ടന്‍ മാര്‍ ചോദിച്ചു എന്തിനാ കള്ള് ? അപ്പന് കുടിക്കാന്‍ ആണോ? നല്ല മധുരമ ഒന്ന് കുടിച്ചു നോക്ക് ..അവര്‍ ഞങ്ങളോട് പറഞ്ഞു .
 കള്ള് കുടിച്ചാല്‍ ചത്ത്‌ പോകുമെന്ന അമ്മ പറഞ്ഞെക്കുന്നെ.. ദൈവം ശിഷിക്കും .. സങ്ങടതോടെ ഞാന്‍ പറഞ്ഞു .

തിരിച്ചു വീടിലേക്ക്‌ വരുന്ന വഴിക്കാണ് അവള്‍ക്കു അങ്ങിനെ ഒരു ആഗ്രഹം തോന്നിയത്. നമ്മള്‍ക്കും ഒന്ന് കുടിച്ചു നോക്കിയാലോ. അപ്പന്‍    കുടിക്കുന്നത് കാണാറില്ലേ .അവളെന്നോട് ചോദിച്ചു കൊണ്ടേ ഇരുന്നു. എനിക്കും ചെറുതായി മോഹം തോന്നി ..എന്നാലും പേടികാരണം ഞാന്‍ പറഞ്ഞു .നീ കുടിക്കു ..എനിട്ടത്തിന്റെ ടേസ്റ്റ് പറ .. പറഞ്ഞു പറഞ്ഞു വീട് എത്താര്‍ ആയിരുന്നു അപ്പോള്‍.. ആകാശത്ത് കരിമേഘങ്ങള്‍ നിറഞ്ഞു കവിഞ്ഞു.. കമ്പി പാത്രത്തിന്റെ അടുപ്പ് തുറന്നു ഞാന്‍ അവള്‍ക്കു കുറച്ചു കള്ള് ഒഴിച്ച് കൊടുക്കാന്‍ തുനിഞ്ഞതും ...പെട്ടനായിരുന്നു കാതടിപികുന്ന ശബ്ധത്തില്‍ ഇടി മുഴങ്ങിയത് ......."അമ്മച്ചി..... "   നീട്ടിയുള്ള ഒരു കരച്ചില്‍ ‍ ... കയ്യിലിരുന്ന കമ്പി പത്രം താഴെ വീണത്‌ ഞാന്‍ അറിഞ്ഞേ ഇല്ല.. അന്ന് പിന്നെ പറയാന്‍ ഉണ്ടോ ..അടിയുടെ പൊടിപൂരം ആയിരുന്നു. പിന്നെ ഒരികലും കള്ള് കുടിച്ചു നോക്കണമെന്ന് എനിക്കോ അവള്‍ക്കോ തോന്നിയട്ടില്ല.